A l’Escòla del Segond Astre de Carcassona, un vintenat de joves an participat a una animacion sus çò que fa Euròpa pel desvolopament durable e la coesion dins Aude. Aqueste projècte cerca a amplificar la comunicacion e augmentar la visibilitat alprèp de joves, en particular aluènhat-adas de las informacions sus Euròpa.

Un vintenat de joves de l’Escòla del Segond Astre de Carcassona èran presentas e presents aqueste dijòus 6 de junh a una animacion Y4 Green ERF, coordenada per l’Euroregion Pirenèus-Mediterranèa GECT. A qualques jorns de l’eleccion europèa de 2024, l’ADRET (Agéncia de Desvolopament Rural Euròpa e Territòris), que fa partida del malhum Europe Direct, a volgut presentar a aquestas e aquestes joves amb pauc o pas de qualificacions e aluènhadas-ats de l’emplec, las accions concretas e subretot localas que pòrta l’Union Europèa dins le domèni del desvolopament durable.

Dins un caminament interactiu amb aquestas e aquestes joves, Claire Sarda Vergès e Sergio Marin Zapata, de l’ADRET, lor an poscut faire descobrir, amb l’ajuda de questions-responsas a partir de panèls educatius creats per l’ADRET, una Euròpa mai pròcha que o pensavan. Aquelas e aquels joves an d’en primièr poscut descobrir que l’E2C, l’estructura que las e los ajuda a tornar sul camin de l’emplec, es finançada en partida per Euròpa. Aquestas e aquestes joves, que an pauc accès a las informacions sus las politicas e las institucions europèas, an tanben aculhit plan faborablament los 2 testimonhatges de projèctes locals finançats per l’UE.

David Spanghero, director del balhaire social Alogea, aprèp escambis amb las e los joves sul desvolopament durable (isolacion, etiqueta energia, …) e l’interés, tant pel planeta que per las residentas e los residents, de reabilitacions de lòtjaments, situats dins parçans qu’aquestas e aquestes joves coneissián plan. Lor a explicat l’objectiu d’Euròpa de mesa en òbra d’una vertadièra politica de desvolopament durable a l’orizont 2030. Aquesta volontat se traduisent per un finançament dins una amira doblament locala: far aquestas òbras de reabilitacion per las zònas mens favorisadas mas subretot qu’aquelas òbras sián efectuadas per entrepresas localas per que l’argent ajude 2 còps las estatjantas e los estatjants del parçan.

L’autra intervenenta, Isabelle Martinez, del Sindicat Mixte dels Mitans Aquatics e de las Ribièras, lor a en seguida parlat de la gestion per aquesta estructura de las inondacions de lor parçan e de las informacions que le SMMAR bota en plaça en partida gracias a finançaments europèus. Las inondacions estant una question a l’encòp d’ecologia mas tanben de coesion sociala, e mai de vidas umanas, coma l’actualitat recenta l’a remembrat, aquesta question a parlat a mantunas e mantuns de las e dels joves.

A la fin de l’animacion, aprèp mantuns escambis entre las intervenentas e los intervenents e las e los joves de l’Escòla del Segond Astre, l’ADRET lor a evidentament parlat de las eleccions europèas d’aqueste dimenge, demandant a las e los que podián votar (la magèr part estant major-as), çò qu’aquesta vesprada lor aviá portat, e mantunas e mantuns lor an dit que duscas ara trobavan Euròpa luènha mas qu’aquesta animacion lor avait dobèrt los uèlhs sus son interés local e qu’aniràn votar per las eleccions. Quitament s’aquela vesprada agesse servit pas qu’a aquò, l’ADRET aurà ja acomplit una granda part de sa mission.

• Y4 Green ERF (Youth for Green Euro Regió Future) es un programa finançat per la Comission europèa, coordenat per l’Euroregion Pirenèus-Mediterranèa en partenariat amb l’ADRET, l’AMIC, l’AMIC Illes Balears, Joves Europèus Toulouse (per JEF PyrMed) e l’Universitat de Girona.
• L’Escòla del Segond Astre (E2C) es un percors de formacion e d’acompanhament individualisat per las e los joves sense qualificacion, o titulari-as d’un BEP, CAP, Bac o equivalent, aluènhat-adas de l’emplec desirant accedir a un emplec o una formacion. Lo malhum E2C France regropa 146 sitis-escòlas sul territòri francés. Las E2C son finançadas entre autres per Euròpa e l’Etat francés.
• Lo GECT Euroregion Pirenèus-Mediterranèa es un Gropament Europèu de Cooperacion Territoriala que regropa la Generalitat de Catalonha, lo Gobernament de las Islas Balearas e la Region Occitania per promòure los interesses comuns transfrontalièrs.
• Europe Direct es un malhum de 438 centres d’informacion de l’Union Europèa, de que las missions son de provesir a las ciutadanas e ciutadans informacions sus l’UE, sas institucions, sas politicas, sos programas…
• Lo SMMAR, Syndicat Mixte dels Mitans Aquatics e de las Ribièras, que foguèt creat en 2002 jos l’impulsion del President del Departament e del Prefècte d’Aude, ten per amira de respondre a la necessitat de menar una gestion concertada de l’aiga e d’organisar la prevencion de las inondacions a l’escala del bassin versant.